89. ən böyük səbəblər, zənnimcə, bu günlərdə müşahidə edilməkdədir. yazar klaviaturaya basa bilənə deyilmir. lazım olanı lazım olan formada yaza bildiyini və yazdığını ən azı iddia edənə və bu iddiasını müdafiə edənə deyilir. ancaq görünən budur ki, yazarların belə fikirlə yaxından uzaqdan əlaqələri yoxdur. məqsəd əksər hallarda fayda vermək yox, dəyər yaratmaq yox, sadəcə girib çat, facebook məntiqində vaxt öldürməkdir. "kaybedenler kulübü" dadında bir yerə oxşadılır, çox təəssüf. mən bununçün nəsə edə bilərəmmi, bəli, edəcəyəm; yazmağa davam edəcəyəm və əsas məqsədimi də digər yazarlara tez-tez xatırladacağam. bu sözlük formatının məqsədi fərqli fikirlərin səsləndirilməsi, cəmiyyətin fərqli insanlarının öz səslərini eşitdirməsidir. qapalı cəmiyyətə qarşı fəaliyyətdir. dünya görüşünün, biliyin mübadiləsidir. tanış olaq, mən pop dinləyirəm, o rock dinləyir, görüşək pivələyək, domino çırpaq məntiqi ilə sözlük işlədənlər onsuz da, cəmiyyətdən nə özləri, nə də yaxınları adına gözləntiləri olmayanlardır. ancaq formatı anlamayan, anlamaq istəməyən, yaradıb izləməyən, müsbət təşəbbüslərə qarşı biganə qalanlar sabah sözlüyün domen vaxtı bitəndə onu uzatmayacaq, sənin də əziyyətin boşa gedəcək. bu ehtimal da əlbəttə, adamı yazmaqdan saxlayır. insan müsbət bir irəliləyiş görmək istəyir, ən azından "nəsə etmək istəyirik, amma hələ edə bilmirik" fikrini eşitmək də dəyərli olardı. ancaq, sözlüyün sahibləri yazmırlar, böyük ehtimalla baxmırlar da. Sözlük qalıb allah ümidinə. yazarlar da ki, bilmirsən hansı kefi yaşayırlar. bir aya yaxındır ki, gündəm adına heç bir fikir paylaşılmır. iran dağıldı, trump ağlına gələni etdi, maduro qaçırıldı.. sözlük yazarları isə "gecəyə mahnı paylaşır", etiraf səhifəsində ət tökür.